Özbəkistan prezidenti Şavkat Mirziyoyev aprelin 3-4-də Səmərqənddə keçiriləcək Mərkəzi Asiya-Avropa İttifaqı sammitini “tarixi tədbir” adlandırıb. Dövlət başçısının sözlərinə görə, region ölkələrinin və Aİ liderləri ilk dəfə bir məkanda görüşəcəklər.
Hafta.az-ın yazdığına görə. Mirziyoyev Euronews telekanalına müsahibəsində bildirib mki, sammit Mərkəzi Asiya ilə Avropa İttifaqı arasında əlaqələrin inkişafında mühüm mərhələ olacaq və bu, son illər keyfiyyətcə yeni səviyyəyə yüksəlmiş qarşılıqlı fəaliyyəti daha da artıracaq.
"Siyasi dialoqun dərinləşdirilməsini və əməkdaşlığımızı daha sistemli və uzunmüddətli hədəflərə yönəldəcək yeni qarşılıqlı fəaliyyət mexanizmlərinin işlənib hazırlanmasını səbirsizliklə gözləyirik", - prezident deyib.
Mirziyoyev mühüm müzakirə obyektinə çevriləcək sahələri qeyd edib: iqtisadiyyat, ticarət, enerji, nəqliyyat.
Özbəkistan rəhbərinin sözlərinə görə, sammitin əsas nəticələrindən biri tərəflərin strateji tərəfdaşlıq qurmaq üçün ümumi istəyini əks etdirən Səmərqənd Bəyannaməsinin imzalanması olacaq.
Avropalı tərəfdaşlara müraciət edən Mirziyoyev, Mərkəzi Asiyanın dialoqa və qarşılıqlı fayda və etimad prinsipləri əsasında genişləndirilmiş əməkdaşlığa açıq olduğunu vurğulayıb. O qeyd edib ki, görüş formatı unikal qarşılıqlı fəaliyyət platformasıdır, miqyasına və institusional əhatə dairəsinə görə analoqu yoxdur.
"G7-nin üç ölkəsi (Almaniya, Fransa və İtaliya) daxil olmaqla 27 dövləti birləşdirən Avropa İttifaqı regionlararası səviyyədə Mərkəzi Asiya ilə sistemli qarşılıqlı əlaqə quran ən böyük inteqrasiya birliyidir. Aİ ilə əməkdaşlıq iqtisadiyyat və investisiyadan dayanıqlı inkişafa, təhlükəsizlik və rəqəmsal transformasiyaya kimi geniş sahələri əhatə edir və uzunmüddətli strateji prioritetlərə əsaslanır", - Mirziyoyev bildirib.
Dövlət başçısı son 7 ildə Mərkəzi Asiya ölkələrinin Aİ ilə ticarət dövriyyəsinin 4 dəfə artaraq 54 milyard avroya çatdığı statistikaya istinad edib. Eyni zamanda, Avropa biznes qurumları tərəfindən Özbəkistan və regionun digər ölkələri ilə ticarət və investisiya tərəfdaşlığı imkanlarına maraq var.
Prezidenti əlavə edib ki, Səmərqənd şəhərinin belə genişmiqyaslı tədbirin keçirildiyi məkana çevrilməsi təsadüfi deyil. Axı bu şəhər əsrlər boyu ticarət, elm və diplomatiya mərkəzi olub, onun böyüklüyü mədəniyyətləri, xalqları və ideyaları birləşdirmək bacarığı üzərində qurulub.
